Ағымдағы жылдың 18 қазан күні Ілияс Жансүгіров атындағы Мәдениет сарайында «Алатау әуендері» МКҚК «Құлансаз» фольклорлы-этнографиялық ансамблінің, көрнекті композитор, Қазақстанның халық әртісі, ҚР еңбек сіңірген өнер қайраткері Әсет Бейсеуовтың 80 жылдығына арналған «Ән әлеміндегі - Әсет» атты тақырыпта ІХ-концерттік маусымының ашылуы өтті.

Концерт әсерлі қойылымдар мен құлақты сүйсіндірер ән мен күйге толы болды. Келіп отырған көрермендер ансамбль әртістерін қолпаштап, қошеметтерін аямай, бәрекелді деп демеп отырды.

Шара соңынан Алматы облыстық мәдениет, архивтер және құжаттама басқармасының бөлім меңгерушісі сөз сөйлеп, Жетісу жұртшылығына осындай мереке мен көңіл-күй сыйлағандары үшін алғысын білдіріп, маусымның ашылуымен құттықтап, Құлансаз алға! - деп ұрандатып кетті.